Sunday, August 29, 2010

කඩුව ??


විහිළුව, කඩුව
ඇන්නා පපුවටම
පිරිසිදුයි කඩුව
සුන්දරයි වටපිටාව
එතකොට ලේ ??
(ටොපී) (සිංහරාජ පිරිමි නේවාසිකාගාරය)
මේ අමුතුම විදිහෙ සිතුවිල්ලක්.මේ වගේ සිතුවිලි හැමෝටම පහළවෙන්නෙ නෑ.මම මේ සටහන්කරගත්තෙ සිංහරාජ පිරිමි නේවාසිකාගාරයේ ඒක් බිත්තියකින්.කවුරුත් දන්නවද මේ කවියෙ තේරුම ? නෑ මම හිතන්නෙ නෑ,කෙනෙකුට තේරුම් ගන්න පහසු වෙයි කියල.
මම ආරාධනා කරනව සොයන්නට මෙහි අරුත. ඒ ඔබට හැගෙන පරිදි..

උපන්දින තිළිණය..

කෙනෙක්ට තමන්ගෙ උපන් දිනය දවසට, ඒ කියන්නෙ තමන්ගෙ අම්ම ජීවිතය නැමැති උතුම් තෑග්ග තමන්ට දුන්නු දවසට තමන්ගෙ ලගින්ම ඉන්න තමන්ගෙම අය තමන්ට සුභ උපන්දිනයකට සුභ පතනව.තෑගි බෝග එහෙමත් එදාට ලැබෙනව. ඒත් අපට එදාට ලැබෙන සමහර තෑගි දෙවෙනි වෙන්නෙ තමන්ගෙ අම්ම දුන්නු ඒ උතුම් තෑග්ගට විතරයි.
මේ එහෙවු තිළිණයක් වෙනුවෙන් පබැදුනු සරසවි සිතුවිල්ලක්..

යන එන මග
මට තනියට
සිනා සිසී ඔබ ආවට..
රෑ තුන්යම දකින සොදුරු
හදේ හීන හැංගුවාට..
හදේ පිරුණු මගෙ සෙනෙහස
කියාගන්න බැරිවුණාට..
මං කොහොමද දුරස් වෙන්නෙ
මගේම වුණූ හිතත් එක්ක...
(......විසින්.......වෙත)

Thursday, August 26, 2010

සරසවි සිතුවිලි ස්තුතිය..

මා දැනට ටික කාලයක සිට සරසවි සිතුවිලි තුළින් ඔබට,ඔබගේ මනසට කතාකරනව.වසර හතරක සරසවි දිවියෙහි සැබෑ යතාර්ථය ඔබ ඉදිරියේ ගෙනහැර පෑමට මා දරන උත්සහයට සිංහල බ්ලොග්කරුවන්ගේ සංසදය ලබාදුන් රුකුල මා සිහිපත් කරනුයේ ඉතාමත් සතුටින්.ඒ ‍වගේමයි මම ලක්සර රේඩියෝ වෙබ් අඩවිය සිහිපත් කරනුයෙත්.ලක්සර යනු ප්‍රවීන මාධ්‍යවේදී ඉන්ද්‍රසිරි සුරවීරයන්ගේ තවත් එක් නිර්මාණශීලී මාධ්‍ය මෙහෙවරකි.ලක්සර,ඔබට සරසවි සිතුවිලි ස්තුතිය.

Thursday, August 12, 2010

දේශයේ අභිමානය සොයා යන ගමනේ.. සිංහාවලෝකනය..

මම දැනට සරසවි සිතුවිලි ලියන්න අරන් අවුරුද්දකටත් ආසන්න කාලයක් වෙනව.මම මේ තුළින් උත්සහ කරනව සරසවි තුළ වසර හතරක් කොටුවෙලා උසස් අධ්‍යපනය හදාරන මේ මිනිසුන් ගැන කතාකරන්න,ඒ මිනිසුන්ගෙ සිත්වල නලියන දේවල් බාහිර ලෝකයට දෙන්න.මම හිතනව මම දැනට යම්තාක් දුරට සාර්ථකයි කියල.ඒ අතරම මට හිතුන මේ වගේ දෙයකුත්.ඒ තමයි,මේ පුංච් ලංකාවෙ සමහර දේ තියෙනව කිසිකෙනෙක් නොදන්න.හැබැයි ඉතාමත් ඉහළ වටිනාකම් වලින් යුක්ත දේවල්.මම විනෝදාංශයක් විදියට කරන දෙයක් තමයි ලංකාවෙ ‍‍ඓතිහාසික වැදගත්කමක් ඇති දේ ගැන හොයන එක.මම ඒ දේට ගොඩක් ඇලුම් කරනව.
මට මීට සතියකට විතර උඩදි ඉතාමත් වටිනා අවස්ථාවකට සම්බන්භ වෙන්න පුළුවන්වුනා.ඒ ගම්මඩු ශාන්තිකර්මයක්.ඒ කඩවත ප්‍රදේශයෙ පුංචි ගමක.මුළු රත්‍රිය පුරාවටම රගදැක්වුණු මේ කටයුත්ත අවසන්වෙලා පාන්දර යාමයෙ මට ඉතාමත් දුර්ලභ ඒ වගේම වැදගත් අවස්ථාවක් හිමිවුනා.මට දේවාලෙ කපුමහත්මයෙක් සමග කතාබහ කරන්න අවස්ථාවක් ලැබුන.ඒ කතාබහින් අනතුරුව මට ගොඩක් ලොකු අභීමානයක් ඇතිවුනා මගේ රට ගැන.ඒ දෙයින් මම තේරුම් ගත්තෙ අපි නොදන්න,කොයිතරම් වටිනා දේවල් තියෙනවද අපි අතරෙම.ඉතින් මම හිතුව මම මට පුළුවන් ප්‍රමාණයකට මේ දේ‍වල් වලට යමක් කරනව කියල.ඒ නිසාම මම තවත් blog එකක් ලියන්න හිතුව.ඒකට මම නම තිබ්බෙ,සිංහාවලෝකනය කියල.අද ඉදන් ඔබටත් පුළුවන් http://www.sinhawalokanaya.blogspot.com/ හරහා ඒ වගේ දේවල් දකින්න,කියවන්න.අපි අපේ දේ ලෝකයට කියමු..

Thursday, August 5, 2010

ඇය.. වී හමාරයි මගේ..

ජීවිතය..
ආදරය..
සිනහව..
අනාගතය..
අර්ථය..
සුරතලය..
මුළු ලොවම...

Tuesday, August 3, 2010

මිදි..


මට තටු එපා
ඒ මිදි තිත්තයි..
 
^ ඉහලට යන්න ක්ලික් කරන්න